مدة اللعب تختلف حسب التجربة: كل لعبة قصيرة 12–15 دقيقة لعب، واللعبتان ضعف ذلك، والسكيب روم 30–45 دقيقة. وحساب وقت اللعب يبدأ من لبس النظارة وتواجدكم الافتراضي قبل بداية اللعبة، ثم بدء اللعبة الفعلي — ويضاف قبله وقت الاستقبال وشرح التعليمات. في أغلب الأيام فترة الحجز 45 دقيقة، وفي بعض الأيام المزدحمة نقسّم اليوم لفترات 30 دقيقة عشان نستقبل عدداً أكبر — وهناك اللعبة الواحدة تكفيها فترة، واللعبتان والسكيب روم فترتان متتاليتان، وحجز الساعة ونص ثلاث فترات متتالية.

إيه أكيد! تقدر تحجز لعبتين بسعر 65 ريال للشخص — وهذا أوفر من حجزهما منفصلتين بـ 5 ريال للشخص. أو تكتفي بلعبة واحدة (12–15 دقيقة لعب) بسعر 35 ريال للشخص. وإذا تبون وقتاً أطول، فيه حجز ساعة ونص بـ 90 ريال للشخص: ثلاث ألعاب قصيرة، أو لعبة قصيرة مع سكيب روم أو تجربة طويلة. أما السكيب روم لوحده (30–45 دقيقة، تجربة قصة وألغاز متكاملة) فبسعر 65 ريال للشخص. وإذا حبيت تضيف لعبة بعد وصولك نساعدك حسب التوفر.

الأفضل دائماً تحجزون عشان تضمنون الوقت المتاح وتختارون ألعابكم برواقة بدون انتظار. لو جيتوا بدون حجز بنخدمكم أكيد، لكن حسب الأوقات الفاضية وقتها.

الأفضل توصلون قبل موعدكم بـ 10 دقائق. هالوقت نحتاجه عشان نجهزكم ونشرح لكم طريقة اللعب بهدوء بدون ما يضيع أي شيء من وقت لعبكم الأساسي. (ملاحظة: التأخير ممكن يقلل من وقت لعبكم عشان ما نأخر الحجوزات اللي بعدكم).

السالفة بسيطة: اللي يحجز الأول يكون هو صاحب الحجز الأساسي. بس لو تأخر عن موعده أكثر من 5 دقائق، تروح الأحقية فوراً لـ (حجز الانتظار).. بشرط إن قروب الانتظار يكونون متواجدين معنا في الفرع وقتها.

في هالحالة يدخل صاحب الحجز الأساسي لتجربته، وحنا بنسوي اللي نقدر عليه عشان نلاقي لكم فترة ثانية تناسبكم. بس لو كانت كل الأوقات فل، وقتها نعتذر منكم ونعوضكم الجايات إن شاء الله.

الأساس إن الدفع يكون عندنا في الفرع لا جيتونا ونورتونا. بس في بعض الأوقات الخاصة أو زحمة المواسم، ممكن نطلب عربون بسيط مسبق عشان نأكد الحجز ونضمن لجميع عملائنا أفضل تجربة بدون أي لخبطة.

أسعارنا ثابتة وواضحة (الدفع في الفرع): لعبة واحدة 35 ريال للشخص (12–15 دقيقة لعب). لعبتان 65 ريال للشخص — بدل 70 لو حجزتهما منفصلتين، يعني توفير 5 ريال للشخص. ساعة ونص 90 ريال للشخص (ثلاث ألعاب قصيرة، أو لعبة قصيرة مع سكيب روم أو تجربة طويلة). سكيب روم 65 ريال للشخص (30–45 دقيقة). تُطبّق نفس الأسعار على جميع الأعداد، وعلى كل الأيام.

اللعبة السريعة: تجربة VR حركية سريعة (أكشن، تصويب، تنافس أو تعاون)، وتقدر تحجز لعبة أو لعبتين في نفس الفترة. سكيب روم: تجربة ألغاز ومغامرة جماعية بقصة متكاملة تعيشون جوّها من البداية للنهاية، وتُحجز لوحدها في الفترة.

لا تشيلون هم! ضفنا لكم (المساعد الذكي 🤖) في صفحة الألعاب. جاوبوا سؤالين بسيطين عن جوكم وطريقة لعبكم، وبتظهر لكم مباشرة الألعاب المناسبة في نفس الصفحة ويختفي الباقي. وتقدرون تقرأون وصف كل لعبة وتشوفون تقييمات اللاعبين.

إيه عندنا ألعاب زومبي وقصور مسكونة وتوترها عالي جداً وتناسب الكبار اللي يدورون الأدرينالين! وموضحين مستوى الرعب تحت كل لعبة. طبعاً للي ما يحبون الرعب، عندنا ألعاب ضحك وألغاز وأكشن خالية تماماً من الخوف.

الخيارين موجودة! عندنا ألعاب (تعاونية) تكونون كلكم فريق واحد ضد اللعبة، وعندنا ألعاب (تنافسية) زي ساحة الصدام، تنقسمون فيها فرق وتلعبون ضد بعض وتشوفون مين الأقوى.

مساحتنا كبيرة (8×8 متر) مصممة عشان تاخذون راحتكم في الحركة. الحد الأقصى في الجولة الواحدة 8 لاعبين، ولسكيب روم 6 لاعبين كحد أقصى عشان تقدرون تركزون وتحلّون الألغاز براحة. ولو عددكم أكبر من 8 وتبون لعبة واحدة، نقسّمكم مجموعتين تلعبان بالتعاقب — حتى 16 لاعباً، وبنفس سعر الشخص.

التجارب تناسب من عمر 9 سنوات وطالع. وعندنا خيارات (عائلية ومرحة) تناسب الأطفال جداً وتخليهم يتحركون ويضحكون. الألعاب اللي فيها رعب أو أكشن قوي نوضح دايم إنها مخصصة للكبار (14+).

أيام الذروة (الويكند) نخصصها غالباً للمجموعات (4 أشخاص فأكثر). لكن تواصلوا معنا على الواتساب وبنحاول ننسق لكم فرصة أو وقت مناسب عشان تعيشون التجربة.

أكيد! راحتكم وخصوصيتكم تهمنا جداً. المكان نقدر نقفله بالكامل لكم، وعندنا طاقم نسائي مدرب وجاهز يشغل الألعاب ويساعدكم في كل شيء عشان تاخذون راحتكم عالآخر.

ما تحتاج أي خبرة، بنشرح لكم كل شيء خطوة بخطوة. وتقنيتنا متطورة وتعتمد على حركتك الحقيقية (تمشي وتتحرك بنفسك داخل الصالة)، وهذا الشيء يمنع ويقلل جداً من إحساس الدوخة اللي كان يجي مع أجهزة الـ VR القديمة.

أهم شيء تلبس ملابس مريحة وجزمة رياضية (أكرمكم الله) لأن الألعاب فيها مشي وحركة والتفات. بالنسبة للنظارة الطبية، تقدر تلبسها تحت نظارة الـ VR بالغالب، بس لو عندك عدسات بتكون أريح لك أكيد.

تقدرون أكيد، لكن يفضل الشماغ يزال عشان نظارة الواقع الافتراضي تثبت على الرأس بشكل مريح، والعباية تكون مريحة تسمح بالحركة خصوصاً في ألعاب الأكشن.